D`Liab goht durch da Maga
Verfasst: 17.02.2010 14:32
Schnitzbrot, Kipfla, Wiebela,
EI´laufsupp mit Riebala,
Kräpfla, Seela, Kernlesteee,
Rugelbohna und Schellee,
Oierhaber, arme Ritter,
wenn´s oim schlecht wurd, ischd des bitter!
Bachstoikäs ond süaße Schnecka,
Doppelwecka, Beitschaschtegga,
Hägamark ond Laugabretzla,
Zemetstern, Springerle ond Schbätzla,
Zweiebelkucha mit viel druff,
dass mr nochher macht´s Feaschter gern uff.
Drom Weibsleit lent oich saga,
sorget zairschda fir da Maga.
S´Herz kommt glei druff henta drai,
denn wia ka´s au anderscht sei,
d´Liab goht nach altem Brauch
bei de Mannsleit zairschda durch da Bauch.
Ochsaauga, a Seeßle, Rettich,
Floischbriasupp ond möglichschd fettich,
Schnitz ond Zwetschga, grauchda Schbeck,
Sauerkraut ond Bäradreck,
Soidawürschdla ond Zibeba,
do dra ka mr sich heba.
Jedesd Dierle dät verludra,
tät mr´s net, wenn´s Zeit isch, fuatra,
send au d´Gschmäcker onderschiedlich,
voole Beich send emmer friedlich.
D´rom Weibsleit, fährt ma besser,
mr flattiert halt dänne Fresser.
Ei, wia do dia Schlecker lachet
ond wia weit se s´Maul ufmachet,
wia se fuchtlet mit dr Gabel,
mit ém Löffel, mit ém Säbel,
wia no jeder mampfet ond beisst,
bis éms om a Hoor verreisst.
Broite-, Dampf- ond gfüllte Nudla,
Biramoschd zom abe dudla,
Rauchfloisch, glei en ganza Briggel,
Kotlett so grauß wia Abdrittdeckel,
Ofaschlupfer, Ripple, Pfitzauf,
oh wia reißt dr Fritz sei Gosch auf!
Weibla, lent oich saga:
D´Liab, dui goht durch da Maga,
jo, s´kommt blos uf d ´Schbeiskart a,
ond ihr kenat jeden Ma,
grad wias Schnürle oder s´Strickle,
wenn er wellat, om da Finger wickla.
Raute-, Sau- ond gelba Rüba,
Häring, Kandlesbrei ond Griaba,
Mohrakepfla ond Schbinat,
Waffla, Ochsamaulsalat,
Fasnetskiachla, saure Kuttla,
wer hot do no Zeit zom Bruddla.
Schweartamaga, gfillte Flädla,
Schillerlocka, saure Rädla,
Rosakohl ond Gugelhopf,
Hasaschlegel, Hefazopf,
Bräschdlingsgselz ond Lebraschbatza,
gugg, vo weitem hairt mr´s schmatza!
EI´laufsupp mit Riebala,
Kräpfla, Seela, Kernlesteee,
Rugelbohna und Schellee,
Oierhaber, arme Ritter,
wenn´s oim schlecht wurd, ischd des bitter!
Bachstoikäs ond süaße Schnecka,
Doppelwecka, Beitschaschtegga,
Hägamark ond Laugabretzla,
Zemetstern, Springerle ond Schbätzla,
Zweiebelkucha mit viel druff,
dass mr nochher macht´s Feaschter gern uff.
Drom Weibsleit lent oich saga,
sorget zairschda fir da Maga.
S´Herz kommt glei druff henta drai,
denn wia ka´s au anderscht sei,
d´Liab goht nach altem Brauch
bei de Mannsleit zairschda durch da Bauch.
Ochsaauga, a Seeßle, Rettich,
Floischbriasupp ond möglichschd fettich,
Schnitz ond Zwetschga, grauchda Schbeck,
Sauerkraut ond Bäradreck,
Soidawürschdla ond Zibeba,
do dra ka mr sich heba.
Jedesd Dierle dät verludra,
tät mr´s net, wenn´s Zeit isch, fuatra,
send au d´Gschmäcker onderschiedlich,
voole Beich send emmer friedlich.
D´rom Weibsleit, fährt ma besser,
mr flattiert halt dänne Fresser.
Ei, wia do dia Schlecker lachet
ond wia weit se s´Maul ufmachet,
wia se fuchtlet mit dr Gabel,
mit ém Löffel, mit ém Säbel,
wia no jeder mampfet ond beisst,
bis éms om a Hoor verreisst.
Broite-, Dampf- ond gfüllte Nudla,
Biramoschd zom abe dudla,
Rauchfloisch, glei en ganza Briggel,
Kotlett so grauß wia Abdrittdeckel,
Ofaschlupfer, Ripple, Pfitzauf,
oh wia reißt dr Fritz sei Gosch auf!
Weibla, lent oich saga:
D´Liab, dui goht durch da Maga,
jo, s´kommt blos uf d ´Schbeiskart a,
ond ihr kenat jeden Ma,
grad wias Schnürle oder s´Strickle,
wenn er wellat, om da Finger wickla.
Raute-, Sau- ond gelba Rüba,
Häring, Kandlesbrei ond Griaba,
Mohrakepfla ond Schbinat,
Waffla, Ochsamaulsalat,
Fasnetskiachla, saure Kuttla,
wer hot do no Zeit zom Bruddla.
Schweartamaga, gfillte Flädla,
Schillerlocka, saure Rädla,
Rosakohl ond Gugelhopf,
Hasaschlegel, Hefazopf,
Bräschdlingsgselz ond Lebraschbatza,
gugg, vo weitem hairt mr´s schmatza!
es gibt nur Kohlsuppe 
